إذا كنت شاعر كمل البيت

[استفهامي]

أعضائنا الأعزاء ومشرفينا الكرام

مسابقة بدع بيت وتكملته

تهدف هذه المسابقة إلى إكتشاف المواهب الشعرية لدى الأعضاء والمشرفين

ما نبي أحد ينحرج ولو كان البيت مهو موزون مهو مهم ,,, أهم شيء نبي القافية موحدة

نطرح بيت شعر ويتناوب الأعضاء على تكملتة وبذلك تصبح قصيدة مشتركة

شرايكم؟

نبدأ ياشباب منهو الأول اللي يبدأ بالبيت الأول ويكون له السبق؟

[al7r]

والله يااخوي استفهامي ماحظرني شي الحين
تعرف الشعر مايجي على الكيف
لكن باحاول انشالله
لك تحياتي

[استفهامي]

الحر

شكرآ لتفاعلك

حنا في إنتظارك

[امواج البحر]

:confused: :confused:

[عمار الغنيمان]

يعطيك العافية يالغالي على الفكرة ..

ولا أروع بصراحة ..

بس البدايات غالباً ما تكون صعبة ..

لذلك أنت راعي الفكرة وأنت اللي راح تبدا <<< توهيقة .. :D

بانتظار بيتك وراح تشوف التفاعل بعدها ..

عمّـــار ..

[استفهامي]

ههههههههههههههههه

عمار

توهقنا

أمواج البحر,,,,,,,,,, تكت إيزي,,,,,,,,

يالله ياشباب ورانا قصيدة ثانية نبي نسويها بعد

الهمه ياشباب وين التفاعل

[السند]

الله يعطيك العافيه اخوي استفهامي على طرح الموضوع الطيب

ودائما متألق في طرحك للمواضيع الطيبه

وانا راح افكك من الاحراجات وراح ابديلك بيت القصيد ...:D

ونشاء الله تكون بدايه طيبه لانه بصراحه يستاهل يكون عنوان القصيده
"راح اقول فيها"

تســــلم يد ابو يوســـف ولا عدمناه = انشــاء موقع فخذ ملعب والجماعه
تســمع فيها سوالف ربعك انت ويــاه = بعلومهم وقـصيد يســـرك سـماعه

[فارس الزمان]

السند

تســــلم يد ابو يوســـف ولا عدمناه = انشــاء موقع فخذ ملعب والجماعه
تســمع فيها سوالف ربعك انت ويــاه = بعلومهم وقـصيد يســـرك سـماعه

---------------------------------
فارس الزمان

ونعم ببو يوسف ولو قربناه = بشعر استفهامي الى ماعليه مناعه

يطرب لا بداه وثم انهاه = تقول شيخ متمركز على المطاعه
ا

[بـنـت هـايـف]

صباح الخير ..

مشكوور استفهامي على الموضوع الجميل ..

وانا والله ماني شاعره لكن طلع معاي هالبيتين والسموحه كان فيهم خلل ..





والنعم في ابو يوسف وحلياه =اسس موقع اهل الكرم والشجاعه

واولاد ملعب على العز وياه=يالله تجمعهم على الخير والطاعه




واكرر شكري للأخ استفهامي وللجميع ..


بنت هايف ..

[بوبراك]

ليش الإحراج يا إستفهامي ؟

روح إنشالله يطلعلك مصارع بسكة ظلمة ويقولك تعال صارعني :)

[امواج البحر]

:rolleyes: ونعم في ابو يوسف بس اشريكم نقلب الشريط لشعر الحكمه :confused:

[فارس الزمان]

والله رايك سديد أخوي امواج البحر

وياجماعه الي يبي يكمل القيده يسوي مثل ما سويت بأبيات السند و حطيت ابياتي تحتها عشان تكون واضحه
-
أختي العزيزه بنت هايف ماشاء الله عليج شاعره عيني عليج بارده

بس اول بيتين اخوي السند مدح فيهم ابو يوسف والبيتين الي بعدهم مدحت استفهامي ما يصير نرجع نمدح ابو يوسف ثاني مره عشان تكون القصيده كامله ذات معنى احلى وارجو ان تعيدين في البيتين مالاتج

وشكرا

[استفهامي]

:eek: :eek: :eek:

بو يوسف

طلبتك

كاش مانبي,,,,,,,,, ياليت تحول الشرهات على حساباتهم

ولاحظ بنت هايف كررت مدحك,,,,,,, زد شرهتها تستاهل

:D :D :D

[استفهامي]

عيني عليكم باردة

مبدعين والله

السند

فارس

بنت هايف

ماقصرتم وأشوفكم متحمسين,,,,,,ركووووووووود ياشباب,,,,,,,,

هدوا الأعصاب أشوفكم بديتو تعصبون هذا بدال لا نقول شكرا لكل واحد ساهم فالقصيدة

الإنتقادات خلوها إذا إنتهت القصيدة,,,,,,,, ويالله نكمل ترى ماخلصنا هذي تعتبر قصيدة مدح

بعدين راح نحط قصيدة حكمة وبعدها غزل ولا يهمكم

لكم إحترامي
أخوكم استفهامي

[مطيريه ولي الفخر]

أممممممممم صح لسااانكم جميعااا .........

أنا ويني عنكم من زمااان ...

فااارس كل يوم قاط وجهك عندي بقسمي تلعب وتقص تذااكر علي احساابي وماتقولي عن هالموضووع .....
هين هين هههههههههههههههههه .....

لا شباااب يلا خلونا نبدأ بشي جديد وأنا ببدأ :

أحم احم >>> بتغني حشاااا

أبكتب وأشعر وأنثر قصيدي شكر وتقدير .... لبو يوسف ثم الملاعبه من يمين ومن يسار ...
فرحتي بعيال عمي يخالطها تفاخر وتقدير .... هم سندي وقت الصعاايب لا دارة بي الأقدار ...


تراني لا شااعره لا شي لاكن حبيت اشاااركم وجااهزه حق أي أنتقاااد ... >> أكيد اول واحد فااارس راح ينتقد .......هههههههههههه

أستفهاااامي أتمني تثبت الموووضوووع لأنه يستحق التثبيت ...........

بااايووو ..........

[فارس الزمان]

امطيريه ولي الفخر

أبكتب وأشعر وأنثر قصيدي شكر وتقدير .... لبو يوسف ثم الملاعبه من يمين ومن يسار ...
فرحتي بعيال عمي يخالطها تفاخر وتقدير .... هم سندي وقت الصعاايب لا دارة بي الأقدار ...

لا زينه وقصيدج ماشاء الله
بدايه موفقه

----------------------------------------------

فارس الزمان

تدور الدوائر على للي مافيه تقدير 000 وانتي في ظل بن غنيمان مطوع الأقادير
فرحتهــم فيــج تســـوى المغــاتيــر 000 روحــي واسـرحي لو تبين وراء اغاديـر
امــيرج بـن غـنيمان فـوق الـتقديـر 000 وأن بغيـــتي سقـنى وراج الأســــــاطــير


ملاحظه أغادير= منطقه في المغرب

[فارس الزمان]

امطيريه ولي الفخر

أبكتب وأشعر وأنثر قصيدي شكر وتقدير .... لبو يوسف ثم الملاعبه من يمين ومن يسار ...
فرحتي بعيال عمي يخالطها تفاخر وتقدير .... هم سندي وقت الصعاايب لا دارة بي الأقدار ...

لا زينه وقصيدج ماشاء الله
بدايه موفقه

----------------------------------------------

فارس الزمان

تدور الدوائر على للي مافيه تقدير 000 وانتي في ظل بن غنيمان مطوع الأقادير
فرحتهــم فيــج تســـوى المغــاتيــر 000 روحــي واسـرحي لو تبين وراء اغاديـر
امــيرج بـن غـنيمان فـوق الـتقديـر 000 وأن بغيـــتي سقـنى وراج الأســــــاطــير


ملاحظه أغادير= منطقه في المغرب

[مطيريه ولي الفخر]

هههههههههههههههههههههههههههههه

تسلم فاااارس غريبه مافيه نقد هع هع هع >>> معقداهاااا هههههههههه

[فارس الزمان]

أقول عاد كمليها

لأن مقدر اكتب كم بيت وراء بعض

بس احد يفتحلي مجال

والنقد منو ينقد انا حشى لله انا أنتقد

ههههه

[استفهامي]

الأخوة الزوار

أنا مالي دخل

أصلاُ من يقول إني أعرفهم

وغلاتكم عندي جايين بالواسطة ومحد عزمهم هم اللي جو من كيفهم

(((جحيد)))

[فارس الزمان]

استفهامي


تعال ما قلتلي اشرايك بأبياتي

بشر تعدلو

[ع ـــآشـق]

مشكورين اخواني ع الموضوع الرااااائع

وانا لست بشاعر لكن طلع معي هالأبيات واتمنى إنها تنال إعجابكم وفي إنتظار تعليقكم على الابيات :

والنعم في آلاد ملعب أهل الحمية .......... لهم فعلٍ ما هو مثل فعل باقي البرية
سطروا لهم في صفحة التاريخ أمجادٍ عظيمة ....... تضرب بهم الأمثال من عصورٍ قديمة
فعلنا حنا الدويلة ما يجهله أحد من البرية ........ ومن يجهله يرجع لتاريخ ويلقى لنا أفعالٍ عظيمة
وهذي أبياتٍ شارك فيها عاشق سارونه لابتة ......... لابة العز والفخر والأمجاد العظيمة

[ع ـــآشـق]

اتمنى من اخوي استفهامي ان يقوم بوزن المشاركات وترتيبها وتنزيلها كقصيدة واحده موزونة ومقفاه
في نهاية المسابقة
وإذا ما علية كلافه كل فترة وفتره يقوم بوزن الأبيات وترتيبها وينزلها بشكلها الجديد


عشق سارونه

[الفداوي]

مرحبا حبيت اشارك في هالابيات


يا مرحـبا بولاد مـلـعب هـل الطـيب *** اهل الشجاعه و اليمين السخيه
أولاد ـمـلـعب دون شـكـن ولا ريب *** تلقى بهم وقـت الـمـغازي احميه


و سلامتكم

[استفهامي]

فارس الزمان

وينك عن شاعر المليون؟

عاشق سارونة

الأبيات اللي كتبوها الأعضاء ليست على قافية واحدة
أنا لقيت ثلاث قوافي موجودة... أي وحدة نعتمد فيهم؟ لكن راح أشوف شيطلع معي..

[استفهامي]

الفداوي

أبيات متعوب عليها والله وينك من زمان؟

[الفداوي]

و الله كنت مسير ليش تامر شي استفهامي
هههههههههههه

[استفهامي]

هههههههههههههه

لا بس وأنت جاي إثنين فلافل وواحد عصير برتقال....