ترضي أحد يفتش جوالك ؟وليش

[زهور الريف]

الجوال ( مستودع الأسرار )!!



أصبح الجوال جزء لايتجزء من حياتنا اليوميه مانطلع إلا بالجوال ومانقعد ولا ننام إلا مع الجوال

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...!!

الجوال مثل السكرتير

اللي يذكرنا بالمواعيد والساعات

والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:

والمنبه ( أهم شي المنبه )

اللي يرن الصباح وقت الدوام .. نحط على غفوه وهالغفوه 10 دقايق

ومانقوم إلا إذا حد قال لنا :.. قومووووا دووووام متى بتروحوون ...!!!

الملاحظ إن فئه عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك جواله

ودايماََ مايقولون

( لحد يلعب في جوالي ) !!

هالجمله البسيطه تحوي معاني كثيره (ممكن تفسرونها )

ليش مانرضى أحد يفتش أو :يلعب: في الجوال

هل هو الحرص عليه !!

ولا من زوود المحبه !!

ولا فيه شي خطير ماودك حد يشوفه أبد !!

هل لهالدرجه جوالك خطير ماتخلي حد يقرا مسجاتك

ويشوف قائمة الأسماء اللي بجوالك << أهمـ حـاجـة

ولا يسمع النغمات اللي منزلها ولا يشوف كم فيديو إستعراض

ولا فيديو كليب << وهذا اللي مادري ليش يحطونه!!

الأسئله كثيره والتساؤلات أكثر حول هالموضوع


ماحطول عليكم بس أخليكم تفكرون وتجاوبون ..

[بو عبدالله]

انا بالنسبه الامر طيبيعي اللي يطلبني المبايل اسأله اقوله شنو تبي فيه وبعدها اعطيه اما بالنسبه للعبث من غير استأذان هذا غير مقبول

شكرا عطر
على الموضوع الممتاز
تقبلي مروري
الشااامخ

[شـــوق الصحـاري]

بالنسبـــه لي انا

عادي مامـــن اخلاف بس المشكله الي ياخذه ولا ادري عنـــــه قرب موتـــه :)
ليش اخذه بدون مايقول لي والي ما يعطينـــي تلفونه انا بعد ما اعطيه تلفوني
عناد فيــه


بالنسبه الي فيـــه والله مافي شي بس قصايد وشيلات للشعراء
وياليـــت تبقــــى

ابوي الله يهديه يمشــــي ويمسح مدري ليش ههههههه


على العموم يعطيـــك العافيـــــه ولا هنتــــي

[جاسم بن عبيان العازمي]

اللي يستأذن فداه الجوال وراعيه اما اللي ما يستأذن حامض على بوزه ياخذه ويفتش فيه كل منا له اسرار وامور خاصه مو كل من هب ودب يعرفها ........................................

يعطيك العافيه وشكرا عالموضوع الحلو

[ولد بابا وماما]

موضوع رائع ويستحق الوقوف عنده لحظات ...
من وجهة نظري لا يحق لأي شخص كان أن يطلع على جوال غيره مهما كان ... إلا بإذنه ..
إن كان قصده الاطلاع على صفات وخصائص الجهاز فلا مانع ..
اما إذا على الرسائل والصور فانا اعتقد أنها طفالة ... حتى وإن لم يكن في جوالي صور وفيديو غير لائق ...
أو صور عائلتي أو غيره ...
فالمقصود هو احترام ممتلكات الغير وعدم الاطلاع عليها ...

موضوع طويل ويحتاج نظر وسبق ان كتبت شبيه له على الرابط:
http://www.almel3bi.com/vb/showthread.php?t=2795

[نجمة الليل]

الجوال شي خاص ولكل انسان فينا اشيا تخصه \\ولايمكن احد يطلع عليها \وهذا من ضمن خصوصيتي\عشان كذا مارضى افتش جوالات الناس عشان هم مايفتشون جوالي\\كلا له حد\\