هاذي القصيده اهداء لبني عمي الخوالد

[@<,....ال؟مذ؟هل؟....,>@]

بديت باسـم الواحـد الفـرد الرقيـب
والدين ديـن الله ومـن يشـرك كفـر
الخالـدي مبـداه بالـقـول العجـيـب
مثايل(ن) يشتـاق لـه راعـي النظـر
قم يانديبـي فـوق عجـلات الخبيـب
حيل(ن) مراديم(ن) رعن نبـت الزهـر
هن منوة المشتاق بالـدرب الصعيـب
ومكلفـات(ن) فـي مراسيـل الخبـر
تلفـى بنـي عمـي اكعـام للحريـب
لارزت الرايـات والنشـر الخـضـر
خوالـد(ن) تـرد المعـارك ماتهيـب
وردوا حياض المـوت يـوم الله ومـر
بامتوجات ضربهـن ضـرب عطيـب
ومشوكـات ضربهـن يفـري النحـر
وسيوف هن(ن)د تكسر العظم الصليـب
مضرابهـا لاصـاد عظـم ماجـبـر
من ضرب جمع(ن) لانطح جمع الحريب
يـوم الملاقـى ماتتـقـي وإعـتـذر
يوم إمتلى الميـدان شبـان(ن) وشيـب
ارعد رصاص(ن) سيله الـدم الحمـر
ياذيـب ياللـي بالخـلا تقنـب قنيـب
تصبح مـن الشـوان تنحـاك الجعـر
ابشر بصيد(ن) من بعيد ومـن قريـب
عقايـر تـاكـل بـهـا دب الـدهـر
ياهيـه يالمجمـول ياعيـن الربـيـب
ياللـي تحـط الـروس بالجلـد العفـر
لاتعشقيـن الا مصلـيـت الحـريـب
اللـي فعايلهـم يشـد بهـا الظـهـر
من فوق جال مريـخ شرقـي القليـب
حـل المثـارا واشتعـل سـو القهـر
يلعب بها الخالدي فهد لعـب عجيـب
بأفعال ربعـه شايـف منهـا الدجـر

[بو عبدالله]

ونعم في الخوالد
قبيله
لا يحتاج لها تعريف اشهر من النار على العلم

ويستاهلون من قصدة فيهم
شـكــ وبارك الله فيك ـــرا لك ... لك مني أجمل تحية .

[سلـمـان البـراك]

السلام عليكم ورحمة الله وبركاته
ونعم بالخوالد هل النخوه
واشكرك على القصيده الجميله اعجبني مطلعها الي يقول:
بديت باسـم الواحـد الفـرد الرقيـب
والدين ديـن الله ومـن يشـرك كفـر
ودمت بود

[بنت أبوها]

شـكــ وبارك الله فيك ـــرا لك ... لك مني أجمل تحية .

[بــراك البراك]

ونعم في قبيلــه بني خالد هل الفزعات
ويستاهلون القصديه الجزله الجميلـه هذي
تقبل مروري