ناسي
08-28-2008, 02:38 AM
يوم الاربعاء امس احتفلو ابناء مطير بحفل مقام في صالة مبارك المطيري بالعارضية وذلك لدعم الشاعر الكبير محمد ابن خلف الخس الذي يشارك في مسابقة شاعر العرب .
ومن ضمن المشاركين في هذا الحفل شاعرنا مبارك ابن ضاري الملعبي بهذه القصيده :
سر يا قلــــم و اكتـــب كلام ٍ و تعبير=لهل الحفل و اللـي هنا اليوم حضار
اكتب كــــلام ٍ فيه حشمـــــة و تقدير=لمطيــر حمران النواظـــر هل الكار
اللـي لهم في صفحــة المجـــد تقرير=تاريخهم يشهـــد لهـــم مابــه انكار
يوم الرمــــاح و يـــوم حـــد البواتير =صالو وجالو واحتمو حسك الاوبار
ما قهقــروا ما صفصفـــوا بالمعاذير=وقـت اللقـا يوم ان سـو الدخـن ثار
فرســـان بالغـــارة رجـــال ٍ مساطير=يشفون لاركبو على قحص الامهار
حمر النواظر فعلهم يا عـــــرب غير=و انا افتخــر فيهم و ازايد بالافخار
و كل ٍ له افعالـــه ولا احتـــاج تبرير=كل القبايــل بالفعــــل جالهـــا اذكار
و اليــــوم جاء للذكـــر الاول تباشير=اجدادنـــا رسمـوا لنا خــــط مشوار
نمشــي مماشيهم و من دون تقصير=بالفزعــه اللــي وسطها نشعم النار
ثم نجتمــــع مثل اجتمــــاع المغاوير=محد ٍ يشق الصف لو صار ما صار
قوم ٍ تظافــــــر جمعهـــم دون تعكير =تصبـــح منازلهم رفيعــــــات وكبار
و قوم ٍ تفـــّرق شملهـم ما بهــم خير=وضـع المهونـه وضعهـم يلحقـه عار
لولا جنــــاح الطيـــر ما و الله ايطير=مير ان جنحانه لهن صفق و إطيار
حتـــى السفينه فالبحـــر ما لها سير =لــولا مجاديــــف ٍ يغرفــــن الابحار
والرجل من دون الجماعـه وشيصير=قد قيل لا بـــده علــــى الغبن صبار
و اشلون لو كان الرجل شاعر مطير=محمــد ابن الخس شاعــر و بيطار
الشاعــــر البستـــان شاعـــر بتقدير=ما هو سوات اللي يسطر له اسطار
شعــــره جـــزل و معيّر ٍ فيـــه تعيير=ما ينحـرف دربه على يمين ويسار
يقطف زهر و يصخّـر القاف تصخير=من منبع افكــاره يصخـــر له افكار
له خطــــوة ٍ ترسم ابعـــاد المشاوير=ما تنحصر دونه له ابعـــاد و انظار
وان جيـــت بالتاريـخ له و الاساطير=ينبيك عن ما صـار من ماض الادوار
علــم العـرب هو مبصـر ٍ فيه تبصير =قامـــوس بالتاريــــخ وافر ومدرار
و الخاتمـه يا مطيـــر ياربعــي مطير=الــدار دار الطيـــب مـا للــردى دار
انتــم هــــل الفزعه طـــوال الاشابير=ياللي تدوسون المصايب والاخطار
بيـــــت المعــــّـزه بيتكــــم يالمناعير=وبيت المهونه جعل من فوق ينهار
ومن ضمن المشاركين في هذا الحفل شاعرنا مبارك ابن ضاري الملعبي بهذه القصيده :
سر يا قلــــم و اكتـــب كلام ٍ و تعبير=لهل الحفل و اللـي هنا اليوم حضار
اكتب كــــلام ٍ فيه حشمـــــة و تقدير=لمطيــر حمران النواظـــر هل الكار
اللـي لهم في صفحــة المجـــد تقرير=تاريخهم يشهـــد لهـــم مابــه انكار
يوم الرمــــاح و يـــوم حـــد البواتير =صالو وجالو واحتمو حسك الاوبار
ما قهقــروا ما صفصفـــوا بالمعاذير=وقـت اللقـا يوم ان سـو الدخـن ثار
فرســـان بالغـــارة رجـــال ٍ مساطير=يشفون لاركبو على قحص الامهار
حمر النواظر فعلهم يا عـــــرب غير=و انا افتخــر فيهم و ازايد بالافخار
و كل ٍ له افعالـــه ولا احتـــاج تبرير=كل القبايــل بالفعــــل جالهـــا اذكار
و اليــــوم جاء للذكـــر الاول تباشير=اجدادنـــا رسمـوا لنا خــــط مشوار
نمشــي مماشيهم و من دون تقصير=بالفزعــه اللــي وسطها نشعم النار
ثم نجتمــــع مثل اجتمــــاع المغاوير=محد ٍ يشق الصف لو صار ما صار
قوم ٍ تظافــــــر جمعهـــم دون تعكير =تصبـــح منازلهم رفيعــــــات وكبار
و قوم ٍ تفـــّرق شملهـم ما بهــم خير=وضـع المهونـه وضعهـم يلحقـه عار
لولا جنــــاح الطيـــر ما و الله ايطير=مير ان جنحانه لهن صفق و إطيار
حتـــى السفينه فالبحـــر ما لها سير =لــولا مجاديــــف ٍ يغرفــــن الابحار
والرجل من دون الجماعـه وشيصير=قد قيل لا بـــده علــــى الغبن صبار
و اشلون لو كان الرجل شاعر مطير=محمــد ابن الخس شاعــر و بيطار
الشاعــــر البستـــان شاعـــر بتقدير=ما هو سوات اللي يسطر له اسطار
شعــــره جـــزل و معيّر ٍ فيـــه تعيير=ما ينحـرف دربه على يمين ويسار
يقطف زهر و يصخّـر القاف تصخير=من منبع افكــاره يصخـــر له افكار
له خطــــوة ٍ ترسم ابعـــاد المشاوير=ما تنحصر دونه له ابعـــاد و انظار
وان جيـــت بالتاريـخ له و الاساطير=ينبيك عن ما صـار من ماض الادوار
علــم العـرب هو مبصـر ٍ فيه تبصير =قامـــوس بالتاريــــخ وافر ومدرار
و الخاتمـه يا مطيـــر ياربعــي مطير=الــدار دار الطيـــب مـا للــردى دار
انتــم هــــل الفزعه طـــوال الاشابير=ياللي تدوسون المصايب والاخطار
بيـــــت المعــــّـزه بيتكــــم يالمناعير=وبيت المهونه جعل من فوق ينهار