محاورة بدوي وجني

[فاهمني]

محاورة دارت بين أحد أفراد بادية الجزيرة العربية وبالتحديد في نجد حول عرق المستوي وبين جني في عصر مضى..

القصــه

كان أخونا هذا عنده مريض بالجدري ويئن طول الليل وهو ساهر عنده يمرضه وقد أخذ النجر وأخذ يدنه يصلح له قهوة يتسلى بها ويغني وبعدها هدأ أنين المريض فأخذ النجر وجفاه على وجهه ليجعله وسادة لرأسه يغفو عليه وبعدها أن المريض وصحى على أنينه وإذا برجل عليه بشت يجلس وسط المناره على الجمر وبادره بالبيتين هذي حيث يقول ؟




سمعت نجرك دن وأنته تغنـي
وجيتك على حس الغنا والدنيني
لكـن ليلـي والذيابـة حدنـي
وسمعت نجر ٍ يقعد النايمينـي




فرد عليه في الحال وقد عرف أنه جني من مجلسه على الجمر!




أبـوك لـو ماحنـك ماممتحنـي
لون عندك مـن يجـر الونينـي
مايستوي في المجلس إنسي وجني
لكن قم عـن مجلسـي يالعينـي



^
^
قــوة قــلب :D

تحيتـــي لكـــم.

[هاردلك يا قلب]

ما شاء الله عليه

لو انا جان شلت المخيم بصوتي :)

مُعلم الاجيال شتسوي لو صار فيك هالموقف ؟؟

تقبل مروري

[ملعبي]

:)
ياقو قلبه والله لو انه انا لاحط رجلي اي محاوره اي بطيخ

[فاهمني]

ما شاء الله عليه

لو انا جان شلت المخيم بصوتي :)

مُعلم الاجيال شتسوي لو صار فيك هالموقف ؟؟

تقبل مروري

تحياتي لج على المرور ياهادرلك ياقلب
وبالنسبه لي تصير وياي هالمواقف ماتفرق معاي
لاني ذيب آكل الجني ;);)

[ريم النواظر]

يعطيك العافية فاهمني

فعلا عليه قوه قلب , انا لو بمكانه (ان شاء الله ماكون بمكانه) بغمض عيوني واذكر ربي لين يرووح ---> هذا اذا كنت على قيد الحياه

دمت بوود

[مدهال]

وين الجني ورونياه بس عشان افرك خشته بالجمر كلش ولابناتنا بالمنتدى