اين وجهة سفرك بالصيف؟ ولماذا؟

[ولد بابا وماما]

بدأت الإجازة الصيفية وكلا منا يريد السفر والاستجمام والراحة من عناء السنة كاملة من عمل أو دراسة .. ففي السفر عدة فوائد ..
( للسفر خمس فوائد ، تفريج هم ، واكتساب معيشة ، رسوخ علم ، صحبة الأمجاد ، والآداب ) فأسباب السفر تتعدد وتختلف من شخص للآخر ..


نريد ان نعرف وجهات بعض إلى أي دولة تفضل السفر ولماذا؟

[مدهال]

اوربا طبعاً الجو والمعامله الحسنه وسهولة التقل بين دول اوربا

[حمر عين]

السياحه الداخليه الجنوب بارد وللعائله انسب مكان فى اعتقادى

[ملعبي]

الصمان لانها مسقط الرأس

[ولد بابا وماما]

ملعبي و حمر عين و مدهال

اشكر لكم الردود والتعليق ...
بصراحة (ملعبي) حلووووووووووووة الصمان مسقط رأسي ....

حر وغبار ............ الله يخرجنا ........

[بــراك البراك]

بيض الله وجهك على الموضوع الجميل

[ع ـــآشـق]

موضوع مميز

واتوقع ان جاء وقت نرفعه من جديد



و حنا يا اخوك الشباب بعضهم يبي سوريا و البعض الاخر يبي صلاله
وبنسوي قرعه ونشوف ون نحجز كان جاء لنا مجال و لقينا ممول للسفره

[سلـمـان البـراك]

السلام عليكم ورحمه الله وبركاته
والله ما حددنا للحين وان شاء الله
كل خير وشكرا لك

[بو عبدالله]

جزر القمر ....... :d ارتاح فيهاااااااااااااا

[abqary]

السلام عليكم

يسلم يمناك عاشق على رفع الموضوع الجميل

الصراحه امس راجع من السفر

اخذت رحله جميله انا والعائله اربع ايام جداً ممتعه

رحت لدمام بسياره

وحجزت طياره رحله داخليه الى جده بتاريخ 11\4 يوم الاحد

اخذ عمره ولله الحمد كان الحرم المكي جميييييييييل وروعه تاريخ 12\4 يوم الاثنين

قعدت في مكه يوم واحد

وبعدها رجعت جده تمشيت في اسواقها تاريخ 13\4 يوم الثلاثاء

بنفس اليوم كانت طيارتي لرجوع لدمام الساعه 8 مساء

ومن الدمام طلعت للبحرين اتمشى فيها ورحت اسواقها الى ثاني يوم

طلعت من البحرين تاريخ 14\4 يوم الاربعاء الى الخبر

وتمشيت فيها وفي اسواقها وكانت جداً جميله

والله وشفت شي بالصدفه محطة القطار كان بودي اخلي الاهل يركبونه ونروح للأحساء بس الاجازه خلصت والوقت مايمدي

ورجعة الكويت وصلت تاريخ 15\4 يوم الخميس الساعه 4 عصراً


كانت صحيح رحله قصيره بس ممتعه جداً


والرحله الثانيه بعد سبوع بأذن الله

اركب العيال القطار نروح الحساء يوم واحد ونرجع :p

تقبل مروري :cool:

[عجمي خوالي مطير]

يسلمو على ذا الطرح ولد انا بصراحه افضل القاهره احب جوها وشعبها البسيط ويمكن لانها بلد الدراسه زمان كنت ادرس فيها الجامعه

[النوير]

لبنان لبنان لبنان لبنان لبنان



طبعا فيها ما احس بالغربه ابد وبين اهلي وناسي و اكثر الشعب الكويتي والخليجي يتوجهون للبنان000فعلا ديره حلوه وطبيعه وخضره وبساطه 000من ناحية الجو حلو وبارد ومن ناحية التمشي والسياحه هم حلوه وكل شي متواجد فيها ومن ناحيه المطاعم والاكل كل شي طازج ولذيذ000يكفي تطلع من بيتك والبستان يمك تقطع الخضره والفاكهه وتطبخ وتاكل :):p

[حدي كيوت]

باريس وبعد دوول

بلد الموضه كل بنت تحب تروحلها وفوووووق هذا بلد رومنسي كثير واكثر الخليجين وخاصه لسعودين اهناك تلقاهم انا مسميته شارع الخليج ( الشونزليزيه ) وصراحه الاكل ما يتفووت بعزمكم على يوم اهناك ان شاء الله جذي رحلة لكل الاعضاء ونفكر ناخذ المشرفين ول لا ؟؟

[دنياك دنياي]

انا افضل دوله عندي اهيا ثنتين لندن والمغرب واكثر الدول ارووحلهم

ماااقصرت على الموضوووع

وتقبل مرووووري