المساعد الشخصي الرقمي

مشاهدة النسخة كاملة : كل مـــاضاق صــــدري

فارس الزمان
10-22-2007, 01:54 AM
السلام عليكم


أهدي ألى إخواني هذه المتواضعه والتي أتمنى وأن تحوز على أستحسانكم

منصور شفي كل ماضاق صدري
بيحتله من كبر همي صغيره
اليا متى بطني من الجوع ضمري
وليامتى والقلب مافيه غيره
واليا متى والدرب خابره حدري
والناس في ديره وفكري بديره
اخاف اتل حبال ماطال صبري
وامشي على كيف الهوى لين اديره
وياكثر ماسافر خيالي بفكري
وياكم مره ضاع عن خط سيره
حبل الرجا عذره تقفاه عذري
وارخص صغيره لجل خاطر كبيره
وياصاحبي لوطال بالوقت عمري
يقصره شر عانق اليوم خيره
وياليت انا ادري يوم ماكنت انا ادري
ويرحمك ياهمن طوته السريره
يالله يا للي عالم في سري
ترحم قليل يشتكي من كثيره
وتوكل امرك في هوانا على امري
ونسري بنورك لين نلقى البصيره
وارحم هجوسن علها الوقت بدري
وانده على هاك المنير ومنيره
ياهيه ياللي لابسه شال خمري
يامخفيه سيف الجمال بجفيره
يالله سلي السيف والعمر عمري
بالله اركزيه بجوف منتي مصيره
يازارعه في قلب مغليك ثمري
بأسمك حروف الشعر فاح بعبيره
ياسامره قلبي سمرتيه سمري
ولاادري سمره الطرف والا نضيره
ياترف حسنك يجمر القلب جمري
انشهد اني حاير فيه حيره
والقاف في معناه لاطاب يسري
يسري بضمير ضامر في ضميره


وسامحوني على القصــــور

هذي قصيده لشاعر زيد بن فارس بن صلال الملعبي
استفهامي
10-22-2007, 02:43 AM
إذا ماحازت هذي القصيدة على إستحساننا علوم يافارس الزمان

صح لسان اللي قايلها

وشكرآ لشاعرية المتذوق اللي نقلها
al7r
10-22-2007, 06:05 AM
صح السان الشاعر
ويعطيك العافية على النقل
بداية خير
10-22-2007, 02:02 PM
كل الشكر لك علي النقل

وسلمت ياناقلها
فارس الزمان
10-22-2007, 03:40 PM
تسلــــــمون على المرور


وللعلم الشاعر زيد بن فارس على حيا يرزق


ووالده الشاعر الــــــكبير الراحل فارس بن زيد بن صلال الملعبي اسكنه الله فسيح جناته
همسة غلا
10-22-2007, 11:33 PM
أخوي فارس الزمان
اشكرك علي القصيده
وصح لسان قايلها
فارس الزمان
10-23-2007, 12:11 AM
همسة غلا



تسلـــــم اخوي على مرورك الكريم
دسمان
10-23-2007, 02:09 AM
الخ فارس الزمان

شكرا علي نقل القصيدة

وصح لسان الشاعر ابو فارس
almalabi
10-23-2007, 03:50 AM
فارس الزمان

شكراً على النقل

وصح لسان الشاعر
بو يوسف القشعان
10-23-2007, 12:38 PM
صح لسان شاعرنا الملعبى وهذا الشبل من ذاك الاسد ورحم الله والده وادخله فسيح جناته وشكرا على النقل
الدويله
10-24-2007, 12:37 AM
بارك الله فيك

والقصيده جميله

وصح لسانك ولسان قايلها


ولا يخفا القمر

وهذا الشبل من ذاك الاسد
ابوسعود
10-25-2007, 12:58 AM
فارس الزمان

اشكرك علي القصيده

وصح لسانك ولسان قايلها
فارس الزمان
10-28-2007, 11:02 PM
تسلمون أخواني وجزاكم الله مني كل خير


وشاكر لكم مروركم الكريم




تقبلو سلام اخوكم فارس الزمان