الهواوي
07-27-2010, 01:00 AM
هذه قصيدة للشاعر مزيد بن زيد الملعبي مجاراه لقصيدة ابن ضاري ويحتفي به وبما قال :
يشوقني مبدا ومعنى وتهذيب=مبدا ادب رمز الادب في كلامه
عريب ساس و مجد ومرافقه طيب=وفيه الوفا والعز لابس وسامه
مبارك الضاري عطيب المضاريب=نسل الفهود اهل الكرم والشهامه
حسه من الرديان شذب العراقيب=و الذيب مثلك ما يغير نظامه
يحشم جنابك ما يحوش العذاريب=ياعز راسي فوق .. خل النعامه
يبا يصيب ولا عرف كيف تصويب=وبغى يصيب و مير ضاع بعسامه
ظنه يفرق جمع ربعن واصاحيب=ويبا يمزق صف صعب التطامه
ربعي وربعك شالو اسمن على الطيب=اسم الدويله دار في كل عامه
يخفي عيونه عن حصان الاطاليب=حيثن مقامك يختلف عن مقامه
حاول وحاول مير تصعب على الهيب=شرواك يكرم عن خطات الرخامه
وان كان بان بغير شكن ولا ريب=وبان وتبين للملا عن لثامه
نبا نبين كيف بيض المكاتيب=ونبا نوضح كيف شكل الملامه
ونعلم اللي جنب الحق تجنيب=حتى يعرف اهل الكرم و الزعامه
تقول ثور ؟ اقول والله ماهو ذيب=لا والله الا ثور شكل وجسامه
يزعم بنفسه فوق عال المراقيب=والعيب في خده مبين وسامه
حنا جبال نحوّل السيل بشعيب=وحنا سوات النور يطرد ظلامه
وحنا هل الطولات والموقف اصعيب=موقف فخر دايم ليوم القيامه
وشرواك يكفي للمواجيب ويجيب=سفير قومه عند راع الخصامه
انته لحالك عن جميع المناديب=واللي سواتك ماقصر عن مهامه
ختامها عداد خط المكاتيب=سلامن احلا من سلام لسلامه
مزيد ابن زيد الملعبي
يشوقني مبدا ومعنى وتهذيب=مبدا ادب رمز الادب في كلامه
عريب ساس و مجد ومرافقه طيب=وفيه الوفا والعز لابس وسامه
مبارك الضاري عطيب المضاريب=نسل الفهود اهل الكرم والشهامه
حسه من الرديان شذب العراقيب=و الذيب مثلك ما يغير نظامه
يحشم جنابك ما يحوش العذاريب=ياعز راسي فوق .. خل النعامه
يبا يصيب ولا عرف كيف تصويب=وبغى يصيب و مير ضاع بعسامه
ظنه يفرق جمع ربعن واصاحيب=ويبا يمزق صف صعب التطامه
ربعي وربعك شالو اسمن على الطيب=اسم الدويله دار في كل عامه
يخفي عيونه عن حصان الاطاليب=حيثن مقامك يختلف عن مقامه
حاول وحاول مير تصعب على الهيب=شرواك يكرم عن خطات الرخامه
وان كان بان بغير شكن ولا ريب=وبان وتبين للملا عن لثامه
نبا نبين كيف بيض المكاتيب=ونبا نوضح كيف شكل الملامه
ونعلم اللي جنب الحق تجنيب=حتى يعرف اهل الكرم و الزعامه
تقول ثور ؟ اقول والله ماهو ذيب=لا والله الا ثور شكل وجسامه
يزعم بنفسه فوق عال المراقيب=والعيب في خده مبين وسامه
حنا جبال نحوّل السيل بشعيب=وحنا سوات النور يطرد ظلامه
وحنا هل الطولات والموقف اصعيب=موقف فخر دايم ليوم القيامه
وشرواك يكفي للمواجيب ويجيب=سفير قومه عند راع الخصامه
انته لحالك عن جميع المناديب=واللي سواتك ماقصر عن مهامه
ختامها عداد خط المكاتيب=سلامن احلا من سلام لسلامه
مزيد ابن زيد الملعبي