بو يوسف القشعان
12-11-2007, 05:20 PM
**خنساء الباديه**
--------------------------------------------------------------------------------
مويضي بنت بن شويط ابو حنايا البرازيه
شاعره من البرزان من بريه من قبيلة مطير
تعتبر من اشهر ان لم تكن الاشهر بين شاعرات الباديه
كانت امرأه جريئه تجالس الرجال وتفد على الكبار وغيره,,,
قالت هذه القصيده بعد ان انتصرت مطير في موقعه كير
يالله يللي ماش غيرك خيارا //// ياواحدن كلآ يخافه ويرجيه
تجعل لهم في مركز العز دارا ////قصرن طويلا وعاليتن مبانيه
صاح الصياح وهللن العذارا //// والمال جاءنا وكثر الأزوال حاديه
اللي خدعهم ضدهم بالنهارا //// والبوق ما عمره رفع حظ راعيه
شيوخ الشمال أهل العلوم الكبارا //// عطوا عهد مير العهد ما أوفوا فيه
باقوا بنا ومن الله ا لأنتصارا //// ومن باق عهد الله ضعافن مراقيه
ركبت عليهم سربتين تبارا //// والكل ينصب عند الآخر يماريه
ولحق (بداح) فوق هدبـا تجارا //// تنفض لحلاق الدرع والراس تعطيه
رموا في بن هذال أول مغارا //// شيخ الشيوخ اللي سمعنا بطاريه
(جديع)ستر مخفّرات العذارا //// زيزوم قوم وعوج الأسلاف تتليه
والشمري ذبّاح حيلآ بكارا //// أقفى يجر مسنجدن في لواحيه
زقام عقب الزّوم دبّر ونارا //// وبن سويط أقفى مطيعن يباريه
ومصيول التجغيف مثل الحوارا //// وسيوف علوى شرّعت في علابيه
وأمدح عيال هضيب هاك النهارا //// في ساعه لي ترك الهوش راعيه
هيلا عليكم يا أشباه النصارا //// هاذي سواة البوق بانت مواريه
راحن بالجربان شقر المهارا //// مع السويط وشيوخ وايل أهل التيه
اللي يضيع بالليل يتنى النهارا //// واللي يضيع القا يله من يقديه
وايضا:
واديرتي عنها مخلف حداني .........حدى الظوامي عن بيار بها جم
واحد ، وخلا الدم بالقاع قاني ........وابوي لو هو لاحق له ولد عم
اذا انتخى من فوق بنت الحصان ......... الخيل من خوفه تفرق وتلتم
خلا شيوخ (.....). مثل السماني ............. اهل السيوف اللي لعافيظه دم
وهذه مساجلة شعرية بين مويضي واختها بنا تمدح زوجها وتنتقص زوج اختها مويضي
شوقي غلب على هبة الريح ....... ومحصل فخر الكرم والشجاعة
ركاب شوقي كل يوم مشاويح ..........واذا لفى صكوا عليه الجماعه
يالبيض شومن للرجال المفاليح .......... لا تقربن راعي الردى والدناعة
فردت عليها مويضي تقول
ماهو بخافيني رجال الشجاعة ..........ودي بهم بس المناعير صلفين
أريد مندس بوسط الجماعة ........... يرعى غنمهم والبهم والبعارين
وإذا نزرته راح قلبه رعاعه .......... يقول : ياهافي الحشا ويش تبغين
وان قلت له : هات الحطب .قال :طاعه.......وعجل يجي بالقدر ، هو والمواعين
ولو أضربه مشتدة في كراعه......... ماهو بشاكيني ولا الناس دارين
وقالت
بريه يوم الحرب شيد شراعه ......... تشاولن قعدانهم واسندن
شومن لعلوى عن رجال الزلاعه ......... وان كان ما شاموا لكن فا00
فغضب عليها امير البرزان ابو شويربات وتوعدها وسمعت انه قد اصيب بجراح في احد غزواته فارسلت له قصيدة تمتدحه وتطلب منه الرضا . وهذه القصيدة
ياراكب ملحا تبوج اشهب اللال ......... ايضا ولا معه رديف محنها
اول نهاره بس مشي وزرفال .......... وآخر نهاره نفض الربخ عنها
مافوقها الا الخرج ودويرع مال ......... وقريبة تو المسوى عدنها
ملفاكبيت ربعته كنها الجال .......... واذا لفيت فحط عنها رسنها
تبشر على قبل التناشيد فنجال ...........وحايل ثلاث سنين يندى صحنها
قل : كيف رجلك ياحمى كل مشوال ....... ليا طار عن جرد السبايا يقنها
وان جا نهار مثل يوم ابن هذال ......... تشهر شياهينه وتجلد عدنها
عسى مرضها ينقسم بين الانذال ......... حتى تطيب ، ويذهب الشر عنها
وقالت حينما شتمها زوجها وعتب عليها طول قامتها .
طول الحجب ماعذر بن كل قبا ........ يوم اللقا مايركبه قاصر البوع
اقعد ببيتك جعل بيتك يهبا .......... لعل بيتك بين الابيات مشلوع
عسى الصغير بيننا ما يربى ........ عساه مايلعب على فرخ جربوع
-----
وقيل ان الامام فيصل بن تركي لشهرتها وانها رجاليه ووشي بها انها تتغزل بالرجال وغيره امرها بالكف عن الشعر وارسل لها احد مخدوميه واسمه سلامه ليضربها لذلك
قالت تخاطب حمامة سمعتها تهدل
عزي لعينك وان درا بك سلامه ** خلاك مثلي ياحمامه تنوحين
كسر عظامي كسر الله عظامه ** شوفي مضارب شوحطه بالحجاجين
جاني يقول مروحينه عمامه ** الله يخرب ديرتك يا أصفر العين
وقالت حين سمعت ان كل من هب ودب من الشباب يشكون لوعة الغرام وهم لايعرفون منه سوى
اسمه بيتين من الشعر تسخر منهم(وشلون لو انها في هذا الزمان)
ياهل الهوى وشلون ملة هواكم ** بالله عليكم وين جاكم وجيتوه؟
والله لو يبطي عليكم عشاكم ** ويمركم غض النهد ماعرفتوه
___________
اتمنى ان تحوز على رضاكم اخوكم بويوسف
--------------------------------------------------------------------------------
مويضي بنت بن شويط ابو حنايا البرازيه
شاعره من البرزان من بريه من قبيلة مطير
تعتبر من اشهر ان لم تكن الاشهر بين شاعرات الباديه
كانت امرأه جريئه تجالس الرجال وتفد على الكبار وغيره,,,
قالت هذه القصيده بعد ان انتصرت مطير في موقعه كير
يالله يللي ماش غيرك خيارا //// ياواحدن كلآ يخافه ويرجيه
تجعل لهم في مركز العز دارا ////قصرن طويلا وعاليتن مبانيه
صاح الصياح وهللن العذارا //// والمال جاءنا وكثر الأزوال حاديه
اللي خدعهم ضدهم بالنهارا //// والبوق ما عمره رفع حظ راعيه
شيوخ الشمال أهل العلوم الكبارا //// عطوا عهد مير العهد ما أوفوا فيه
باقوا بنا ومن الله ا لأنتصارا //// ومن باق عهد الله ضعافن مراقيه
ركبت عليهم سربتين تبارا //// والكل ينصب عند الآخر يماريه
ولحق (بداح) فوق هدبـا تجارا //// تنفض لحلاق الدرع والراس تعطيه
رموا في بن هذال أول مغارا //// شيخ الشيوخ اللي سمعنا بطاريه
(جديع)ستر مخفّرات العذارا //// زيزوم قوم وعوج الأسلاف تتليه
والشمري ذبّاح حيلآ بكارا //// أقفى يجر مسنجدن في لواحيه
زقام عقب الزّوم دبّر ونارا //// وبن سويط أقفى مطيعن يباريه
ومصيول التجغيف مثل الحوارا //// وسيوف علوى شرّعت في علابيه
وأمدح عيال هضيب هاك النهارا //// في ساعه لي ترك الهوش راعيه
هيلا عليكم يا أشباه النصارا //// هاذي سواة البوق بانت مواريه
راحن بالجربان شقر المهارا //// مع السويط وشيوخ وايل أهل التيه
اللي يضيع بالليل يتنى النهارا //// واللي يضيع القا يله من يقديه
وايضا:
واديرتي عنها مخلف حداني .........حدى الظوامي عن بيار بها جم
واحد ، وخلا الدم بالقاع قاني ........وابوي لو هو لاحق له ولد عم
اذا انتخى من فوق بنت الحصان ......... الخيل من خوفه تفرق وتلتم
خلا شيوخ (.....). مثل السماني ............. اهل السيوف اللي لعافيظه دم
وهذه مساجلة شعرية بين مويضي واختها بنا تمدح زوجها وتنتقص زوج اختها مويضي
شوقي غلب على هبة الريح ....... ومحصل فخر الكرم والشجاعة
ركاب شوقي كل يوم مشاويح ..........واذا لفى صكوا عليه الجماعه
يالبيض شومن للرجال المفاليح .......... لا تقربن راعي الردى والدناعة
فردت عليها مويضي تقول
ماهو بخافيني رجال الشجاعة ..........ودي بهم بس المناعير صلفين
أريد مندس بوسط الجماعة ........... يرعى غنمهم والبهم والبعارين
وإذا نزرته راح قلبه رعاعه .......... يقول : ياهافي الحشا ويش تبغين
وان قلت له : هات الحطب .قال :طاعه.......وعجل يجي بالقدر ، هو والمواعين
ولو أضربه مشتدة في كراعه......... ماهو بشاكيني ولا الناس دارين
وقالت
بريه يوم الحرب شيد شراعه ......... تشاولن قعدانهم واسندن
شومن لعلوى عن رجال الزلاعه ......... وان كان ما شاموا لكن فا00
فغضب عليها امير البرزان ابو شويربات وتوعدها وسمعت انه قد اصيب بجراح في احد غزواته فارسلت له قصيدة تمتدحه وتطلب منه الرضا . وهذه القصيدة
ياراكب ملحا تبوج اشهب اللال ......... ايضا ولا معه رديف محنها
اول نهاره بس مشي وزرفال .......... وآخر نهاره نفض الربخ عنها
مافوقها الا الخرج ودويرع مال ......... وقريبة تو المسوى عدنها
ملفاكبيت ربعته كنها الجال .......... واذا لفيت فحط عنها رسنها
تبشر على قبل التناشيد فنجال ...........وحايل ثلاث سنين يندى صحنها
قل : كيف رجلك ياحمى كل مشوال ....... ليا طار عن جرد السبايا يقنها
وان جا نهار مثل يوم ابن هذال ......... تشهر شياهينه وتجلد عدنها
عسى مرضها ينقسم بين الانذال ......... حتى تطيب ، ويذهب الشر عنها
وقالت حينما شتمها زوجها وعتب عليها طول قامتها .
طول الحجب ماعذر بن كل قبا ........ يوم اللقا مايركبه قاصر البوع
اقعد ببيتك جعل بيتك يهبا .......... لعل بيتك بين الابيات مشلوع
عسى الصغير بيننا ما يربى ........ عساه مايلعب على فرخ جربوع
-----
وقيل ان الامام فيصل بن تركي لشهرتها وانها رجاليه ووشي بها انها تتغزل بالرجال وغيره امرها بالكف عن الشعر وارسل لها احد مخدوميه واسمه سلامه ليضربها لذلك
قالت تخاطب حمامة سمعتها تهدل
عزي لعينك وان درا بك سلامه ** خلاك مثلي ياحمامه تنوحين
كسر عظامي كسر الله عظامه ** شوفي مضارب شوحطه بالحجاجين
جاني يقول مروحينه عمامه ** الله يخرب ديرتك يا أصفر العين
وقالت حين سمعت ان كل من هب ودب من الشباب يشكون لوعة الغرام وهم لايعرفون منه سوى
اسمه بيتين من الشعر تسخر منهم(وشلون لو انها في هذا الزمان)
ياهل الهوى وشلون ملة هواكم ** بالله عليكم وين جاكم وجيتوه؟
والله لو يبطي عليكم عشاكم ** ويمركم غض النهد ماعرفتوه
___________
اتمنى ان تحوز على رضاكم اخوكم بويوسف