فاهمني
12-10-2007, 08:58 AM
السلام عليكم جميعا
للمساعده في حفظ تراثنا الاصيل
حبيت انزل ذا الموضوع العجيب والفريد من نوعه
فااا اترككم مع
العرضه النجديه
عرفت منذ قديم الزمان كرقصة حربية تتسم بالبطولة وظهرت في قلب الجزيرة العربية من نجد ثم عم أداؤها معظم
دول الخليج العربي 0 ونظراً لتعلق وجدان أبناء المنطقة بها فقد عاشت واحتفظت بجميع خصائصها الإيقاعية
والحركية وطرق إنشادها الغنائي ، فأصبحت ملازمه لكل الاحتفالات الوطنية وحفلات الزواج والأعياد كأحد ألوان
الفنون العريقة في المملكة 0 البناء الفن لرقصة العرضة
بنيت رقصة العرضة كما أسلفنا ، كرقصة حربية مما أدى بالتالي إلى ارتباطها بالقصائد الشعرية التي تشتمل
على أقاويل الفخر والقوة والاعتزاز 0
والعرضه من الفنون الشعبية التي تحظى بشعبية جماهيرية كبيرة وعناية من قبل المسؤولين ، فلا تزال هى الرقصة
الأولى التي تقدم عبر كل الاحتفالات الرسمية للدولة في أعيادها ومناسباتها
ا طريقة اداء العرضة
اقرب شي لها طريقة الكورال ،، يعني يكررون ابيات معينه كم مرة ويستخدمون طبول مختلفه الكبيرة اسمها طبول
التخمير والصغيرة اسمها طبول التثليث واللي يلعبون يتمايلون يمين مع رفع الرجل اليسار الين ترتفع شوي وشوي
تنزل ركبك اليمين ثمين ترفعها وتسويها بعد لجهة اليسار ،، ولازم بيدك سيف لانها رقصة حرب عاد على حسب
مكانك يا ترفع السيف فوق تحت او تتمايل فيه بس انتبه او تركزه عكس ورى رقبتك ،، وكل واحد على حسب
مهارته،، واللبس شي مو معقول لبس يحسسك بالمهابه والقوة مع الجمال ،، لا دورع ولا تروس ،، شجاعة لبس
شجعان ،، ثوب فضفاض ابيض والاكمام كبار ويسمى – المرودن – او المردون – على حسب اللهجات وبعض
الاحيان يلبسون عليه دقلة مطرزة على حسب مكانة الشخص الاجتماعية وعليهم يلبسون المحزم يلبسونه بشكل
متقاطع وحزام ينحط فيه الرصاص والجنبية والسيف ،، الصراحة لبس حرب متكامل شجاع يهيب من يتأمله ،،
قصائد العرضة :
أمثلة من نصوص العرضة النجدية التي تغنى في كثير من المناسبات
ولها قصائد كثيرة منها للشاعر محمد العوفي :
ياشيخ باح الصبر
مني عليكم ياهل العوجا سلام ** واختص ابوتركي عمى عين الحريب
ياشيخ باح الصبر من طول المقام ** ياحامي الوندات ياريف الغريب
اضرب على الكايد ولاتسمع كلام ** العز بالقلطات والراي الصليب
لو ان طعت الشور يالحر القطام ** ماكان حشت الدار واشقيت الحريب
أكرم هل العوجا مدابيس الظلام ** هم درعك الضافي الى بار الصحيب
وذي بعد للشاعر فهد بن دحيم :
ياصليب الراس
جت لابوتركي على ماتمنى ** يوم خلى السيف يرعف ذبابه
شيخنا سير بنا لا تونا ** من سعى بالحرب حنا ذهابه
ياصليب الراس زبن المجنا ** من سلايل وايل يلتجى به
حن هل العوجا نسابق دخنا ** فعلنا بين وكل درى به
كم صبي طاح يشكي طعنا ** فارق الدنيا وفارق شبابه
لاحتمى البارود منهم ومنا ** لابتي تاطا الخطر ماتهابه
وللشاعر فهد بن دحيم :
يا نجد حنا لك
مني عليكم ياهل العوجا سلام يزيد ** واختص ربع بالمراجل تظهر حقوقها
فروخ الحرار اللي تطلع في نهار الهديد ** من نسل ابوتركي شبوب الحرب بسبوقها
حنا هل العوجا وحنا اللي نرد الضديد ** والطايلة يحظى بها من عز طاروقها
يانجد حنا لك على الداعي كعام الضديد ** والله ما نرخص بها وسعود عشيقها
يا لابتي هرج المجالس بالرخا مايفيد ** يقطع صبي مايرد النفس عن بوقها
لي قيل ابوتركي من العوجا نوى بالشديد ** عبدالعزيز اللي يسوق المر بحلوقها
وذي بعد للشاعر فهد بن دحيم :
حنا هل العادات
سلام يا شيخ على الحكام صيته رفيع ** لين اصطفق في نجد تسكن عقب زلزالها
نمشي براي الله ثم براي ابو الجميع ** عبدالعزيز اللي ملك نجد وحمى جالها
لي جا نهار للجنايز فيه مثل الصريع ** يمن جوانبها ويقعد ميل عيالها
كم راس راس عاصي عقب الصعا له يطيع ** سلطان نجد وهقوته محد تهقوى لها
واثنى على اللي بالملاقا للسبايا وديع ** سلطانا لي كبرة القالات شيالها
عبدالعزيز ان باعوا الشيمة هله مايبيع ** لاستصعبت يحلها ويخلص اشكالها
وهاذي بعد
حن هل العوجا<<<< اهم وحده
شيخنا سلطان كل القبايل ** اعلنت له بالثنا اربابها
ياخذ الطولة على كل طايل ** هقوته محد تهقوى بها
ابوتركي لاقبل الضد صايل ** ياخذ الطولة ويحظى بها
حن هل العوجا الى جت صمايل ** وشيخنا اللي نجد عيا بها
كم صبي يحتظي بالجمايل ** مايهاب النار يا طابها
ودك اللي مامضى له فعايل ** يلبس الشيلة يغطى بها
وكمان هادي يابويه :
نجد شامت
نجد شامت لابوتركي واخذها شيخنا ** واخمرت عشاقها عقب لطم خشومها
لي بكت نجد العذية تهل دموعنا ** بالهنادي قاصرين شوارب قومها
حن هل العادات ومخضبين سيوفنا ** والطيور الحايمة جادعين لحومها
صعبة افعالنا لي بغاها غيرنا ** وكلمة التوحيد حنا عمار رسومها
حن هل العوجا نهار الملاقى عيدنا ** والجزيرة كلها مد بين قرومها
لابتي عوج المراكيض هذا سوقنا ** بيعوا الارواح في الهوش باول سومها
وذي القصيدة اخواني الافاضل للشاعر عبدالرحمن الصفيان :
ضرب المعادي
لي صاح صياح المنادي ** وقالوا ترى ما من سلام
عاداتنا ضرب المعادي ** والذيب يشبع مالجهام
وهذي بعد للشاعر عبدالرحمن بن صفيان وهي القصيدة المشهورة
نحمد الله <<احلى واخطر شي
نحمد الله جت على ماتمنى ** من ولي العرش جزل الوهايب
خبر اللي طامع في وطنا ** دونها نثني الى جت طلايب
واجد اللي قبلكم قد تمنى ** حربنا لي راح عايف وتايب
ياهبيل الراي وين انت وانا ** تحسب ان الحرب نهب القرايب
لي مشى البيرق فزيز ومه انا ** حن هل العادات واهل الحرايب
كان ما نجهل على اللي جهلنا ** ما سكنا الدار يوم الجلايب
ديرة الاسلام حامينه انا ** قاصرين دونها كل شاريب
وللشاعر الاديب عبدالله بن خميس:
وين المغاني
سلام يادار تربع في مفيض الوصيل ** نخوة بني مقرن هل العادات تعزى لها
دار الشرف والمرجلة والمجد عز النزيل ** لاجا بوادر قالة فانشد عن رجالها
يادار قولي وين صاف الما وهدب النخيل ** اللي تعطف شرد الغزلان بظلالها
وين المغاني والمباني والنسيم العليل ** وين الرجال اللي عرفنا تحتمي جالها
جداوي لي مني مريت الدار دمعي يسيل ** واقول مما في ضميري آه عزالها
حلفت يابلادي مانبي بك بديل ** لوكان دار يجتني الياقوت بسهالها
يالله ياللي لا عطا مهوب مده قليل ** طالبك يا منزل بلاها تلطف بحالها
عساك ياوادي حنيفة كل يوم تسيل ** تحيي بلاد جدد الاسلام بقذالها
وهاذي كوكتيل
من ولي العرش جزل الوهــايب
دونها نثنــــــــي الاجات طلايب
تحسب أن الحرب نهب القرايب
حريا لا راح عايــــــــــــف وتايب
نبى ننكلهم دروس وعــــجايب
حنا هل العادات وأهل الحرايب
قاهرين دونــــــــــها كل شارب
نحمد الله جات على ما تمنا
خبر اللي طامــــعاً في وطنا
يا هـــبيل الراي وين أنت ونا
واجد اللي قبــــلكم قد تمنا
انهض الجـــــنحان قم لا تونا
لا مشى البيرق وقيدومه إنا
ديرة الإسلام حامين أهـــلنا
عقيدة الإسلام يرفع شانــــها
تزلزلت نجد ورقص شيـــطانها
من هيبته تخـــــامرت عقبانها
سلام يا حرِ تعالى واشـــــــتهر
لا قيل أبو تركي من العوجا ظهر
لا قالوا الضـرغام من وكره شهر
واختص ربع بالمـــــــــــراجل تظهر حقوقـها
من نسل أبو تركي شبوب الحرب بسبوقها
والطايلة يحــــــــــظى بها من عزا طاروقها
منى عليكم يا هـــل العوجا سلام يزيد
فروخ الحرار اللي تطلع في نهار الهديد
حنا هل العوجا وحنا اللي نرد الظـــديد
الين اصطفق في نجد تسكن عقب زلزالها
عبدالعزيز اللي ملك نجد وحمى جالــــــها
يأمن جوانـــــــــــــــــــبها وقعد ميل عيالها
سلطان نجد وهقوته ما حداً تهـــــــــقوالها
سلطاننا لا كبرت القالات شـــــــــــــــيالها
لا ستصعبت يحلها ويخــــــــــلص أشكالها
سلام يا شيخ على الحكام صيته رفـــــيع
نمشـــــــي برأي الله ثم برأيه والجميــــع
لاجا نهاراً للجنايز فيه مثل الصــــــــــــريع
كم راس عاصي عقب الصعاله يطــــــــيع
واثنى على اللي بالملاقي للسبايع وديع
عبدالعزيز إن باعوا الشــــيما هله ما يبيع
يوم خلا الســــيف يرعف ذبابه
من ســعى بالحرب حنا ذهابه
من سلايل وايل يلــــــــتجا به
فــــــــــــعلنا بين وكلاً درى به
فارق الدنيا وفارق شــــــــبابه
لابتى تطاطي الخطر ما تهابه
جات لابو تركي على ما تمنا
شــــــــــيخنا سير بنا لا تونا
يا صليب الراس زبن المــجنا
حن هل العوجا نسابق دخنا
كم صبي طاح يشكي ظعـنا
لأحتمل بارود منــــــهم ومنا
يلا صفوا صفوا
ميصير اعرض الحالي <<<<<طربت البنت ههههه
اقووول اعدلو صفوفكم
ولمعو سيوفكم
ياليت ابو نواف ينشدها مع صوت الطبوووول
قدام بس يلاا ياعيال اعرضوا
اتمنى ان يعجبكم الموضوع
تحياتي لكم
للمساعده في حفظ تراثنا الاصيل
حبيت انزل ذا الموضوع العجيب والفريد من نوعه
فااا اترككم مع
العرضه النجديه
عرفت منذ قديم الزمان كرقصة حربية تتسم بالبطولة وظهرت في قلب الجزيرة العربية من نجد ثم عم أداؤها معظم
دول الخليج العربي 0 ونظراً لتعلق وجدان أبناء المنطقة بها فقد عاشت واحتفظت بجميع خصائصها الإيقاعية
والحركية وطرق إنشادها الغنائي ، فأصبحت ملازمه لكل الاحتفالات الوطنية وحفلات الزواج والأعياد كأحد ألوان
الفنون العريقة في المملكة 0 البناء الفن لرقصة العرضة
بنيت رقصة العرضة كما أسلفنا ، كرقصة حربية مما أدى بالتالي إلى ارتباطها بالقصائد الشعرية التي تشتمل
على أقاويل الفخر والقوة والاعتزاز 0
والعرضه من الفنون الشعبية التي تحظى بشعبية جماهيرية كبيرة وعناية من قبل المسؤولين ، فلا تزال هى الرقصة
الأولى التي تقدم عبر كل الاحتفالات الرسمية للدولة في أعيادها ومناسباتها
ا طريقة اداء العرضة
اقرب شي لها طريقة الكورال ،، يعني يكررون ابيات معينه كم مرة ويستخدمون طبول مختلفه الكبيرة اسمها طبول
التخمير والصغيرة اسمها طبول التثليث واللي يلعبون يتمايلون يمين مع رفع الرجل اليسار الين ترتفع شوي وشوي
تنزل ركبك اليمين ثمين ترفعها وتسويها بعد لجهة اليسار ،، ولازم بيدك سيف لانها رقصة حرب عاد على حسب
مكانك يا ترفع السيف فوق تحت او تتمايل فيه بس انتبه او تركزه عكس ورى رقبتك ،، وكل واحد على حسب
مهارته،، واللبس شي مو معقول لبس يحسسك بالمهابه والقوة مع الجمال ،، لا دورع ولا تروس ،، شجاعة لبس
شجعان ،، ثوب فضفاض ابيض والاكمام كبار ويسمى – المرودن – او المردون – على حسب اللهجات وبعض
الاحيان يلبسون عليه دقلة مطرزة على حسب مكانة الشخص الاجتماعية وعليهم يلبسون المحزم يلبسونه بشكل
متقاطع وحزام ينحط فيه الرصاص والجنبية والسيف ،، الصراحة لبس حرب متكامل شجاع يهيب من يتأمله ،،
قصائد العرضة :
أمثلة من نصوص العرضة النجدية التي تغنى في كثير من المناسبات
ولها قصائد كثيرة منها للشاعر محمد العوفي :
ياشيخ باح الصبر
مني عليكم ياهل العوجا سلام ** واختص ابوتركي عمى عين الحريب
ياشيخ باح الصبر من طول المقام ** ياحامي الوندات ياريف الغريب
اضرب على الكايد ولاتسمع كلام ** العز بالقلطات والراي الصليب
لو ان طعت الشور يالحر القطام ** ماكان حشت الدار واشقيت الحريب
أكرم هل العوجا مدابيس الظلام ** هم درعك الضافي الى بار الصحيب
وذي بعد للشاعر فهد بن دحيم :
ياصليب الراس
جت لابوتركي على ماتمنى ** يوم خلى السيف يرعف ذبابه
شيخنا سير بنا لا تونا ** من سعى بالحرب حنا ذهابه
ياصليب الراس زبن المجنا ** من سلايل وايل يلتجى به
حن هل العوجا نسابق دخنا ** فعلنا بين وكل درى به
كم صبي طاح يشكي طعنا ** فارق الدنيا وفارق شبابه
لاحتمى البارود منهم ومنا ** لابتي تاطا الخطر ماتهابه
وللشاعر فهد بن دحيم :
يا نجد حنا لك
مني عليكم ياهل العوجا سلام يزيد ** واختص ربع بالمراجل تظهر حقوقها
فروخ الحرار اللي تطلع في نهار الهديد ** من نسل ابوتركي شبوب الحرب بسبوقها
حنا هل العوجا وحنا اللي نرد الضديد ** والطايلة يحظى بها من عز طاروقها
يانجد حنا لك على الداعي كعام الضديد ** والله ما نرخص بها وسعود عشيقها
يا لابتي هرج المجالس بالرخا مايفيد ** يقطع صبي مايرد النفس عن بوقها
لي قيل ابوتركي من العوجا نوى بالشديد ** عبدالعزيز اللي يسوق المر بحلوقها
وذي بعد للشاعر فهد بن دحيم :
حنا هل العادات
سلام يا شيخ على الحكام صيته رفيع ** لين اصطفق في نجد تسكن عقب زلزالها
نمشي براي الله ثم براي ابو الجميع ** عبدالعزيز اللي ملك نجد وحمى جالها
لي جا نهار للجنايز فيه مثل الصريع ** يمن جوانبها ويقعد ميل عيالها
كم راس راس عاصي عقب الصعا له يطيع ** سلطان نجد وهقوته محد تهقوى لها
واثنى على اللي بالملاقا للسبايا وديع ** سلطانا لي كبرة القالات شيالها
عبدالعزيز ان باعوا الشيمة هله مايبيع ** لاستصعبت يحلها ويخلص اشكالها
وهاذي بعد
حن هل العوجا<<<< اهم وحده
شيخنا سلطان كل القبايل ** اعلنت له بالثنا اربابها
ياخذ الطولة على كل طايل ** هقوته محد تهقوى بها
ابوتركي لاقبل الضد صايل ** ياخذ الطولة ويحظى بها
حن هل العوجا الى جت صمايل ** وشيخنا اللي نجد عيا بها
كم صبي يحتظي بالجمايل ** مايهاب النار يا طابها
ودك اللي مامضى له فعايل ** يلبس الشيلة يغطى بها
وكمان هادي يابويه :
نجد شامت
نجد شامت لابوتركي واخذها شيخنا ** واخمرت عشاقها عقب لطم خشومها
لي بكت نجد العذية تهل دموعنا ** بالهنادي قاصرين شوارب قومها
حن هل العادات ومخضبين سيوفنا ** والطيور الحايمة جادعين لحومها
صعبة افعالنا لي بغاها غيرنا ** وكلمة التوحيد حنا عمار رسومها
حن هل العوجا نهار الملاقى عيدنا ** والجزيرة كلها مد بين قرومها
لابتي عوج المراكيض هذا سوقنا ** بيعوا الارواح في الهوش باول سومها
وذي القصيدة اخواني الافاضل للشاعر عبدالرحمن الصفيان :
ضرب المعادي
لي صاح صياح المنادي ** وقالوا ترى ما من سلام
عاداتنا ضرب المعادي ** والذيب يشبع مالجهام
وهذي بعد للشاعر عبدالرحمن بن صفيان وهي القصيدة المشهورة
نحمد الله <<احلى واخطر شي
نحمد الله جت على ماتمنى ** من ولي العرش جزل الوهايب
خبر اللي طامع في وطنا ** دونها نثني الى جت طلايب
واجد اللي قبلكم قد تمنى ** حربنا لي راح عايف وتايب
ياهبيل الراي وين انت وانا ** تحسب ان الحرب نهب القرايب
لي مشى البيرق فزيز ومه انا ** حن هل العادات واهل الحرايب
كان ما نجهل على اللي جهلنا ** ما سكنا الدار يوم الجلايب
ديرة الاسلام حامينه انا ** قاصرين دونها كل شاريب
وللشاعر الاديب عبدالله بن خميس:
وين المغاني
سلام يادار تربع في مفيض الوصيل ** نخوة بني مقرن هل العادات تعزى لها
دار الشرف والمرجلة والمجد عز النزيل ** لاجا بوادر قالة فانشد عن رجالها
يادار قولي وين صاف الما وهدب النخيل ** اللي تعطف شرد الغزلان بظلالها
وين المغاني والمباني والنسيم العليل ** وين الرجال اللي عرفنا تحتمي جالها
جداوي لي مني مريت الدار دمعي يسيل ** واقول مما في ضميري آه عزالها
حلفت يابلادي مانبي بك بديل ** لوكان دار يجتني الياقوت بسهالها
يالله ياللي لا عطا مهوب مده قليل ** طالبك يا منزل بلاها تلطف بحالها
عساك ياوادي حنيفة كل يوم تسيل ** تحيي بلاد جدد الاسلام بقذالها
وهاذي كوكتيل
من ولي العرش جزل الوهــايب
دونها نثنــــــــي الاجات طلايب
تحسب أن الحرب نهب القرايب
حريا لا راح عايــــــــــــف وتايب
نبى ننكلهم دروس وعــــجايب
حنا هل العادات وأهل الحرايب
قاهرين دونــــــــــها كل شارب
نحمد الله جات على ما تمنا
خبر اللي طامــــعاً في وطنا
يا هـــبيل الراي وين أنت ونا
واجد اللي قبــــلكم قد تمنا
انهض الجـــــنحان قم لا تونا
لا مشى البيرق وقيدومه إنا
ديرة الإسلام حامين أهـــلنا
عقيدة الإسلام يرفع شانــــها
تزلزلت نجد ورقص شيـــطانها
من هيبته تخـــــامرت عقبانها
سلام يا حرِ تعالى واشـــــــتهر
لا قيل أبو تركي من العوجا ظهر
لا قالوا الضـرغام من وكره شهر
واختص ربع بالمـــــــــــراجل تظهر حقوقـها
من نسل أبو تركي شبوب الحرب بسبوقها
والطايلة يحــــــــــظى بها من عزا طاروقها
منى عليكم يا هـــل العوجا سلام يزيد
فروخ الحرار اللي تطلع في نهار الهديد
حنا هل العوجا وحنا اللي نرد الظـــديد
الين اصطفق في نجد تسكن عقب زلزالها
عبدالعزيز اللي ملك نجد وحمى جالــــــها
يأمن جوانـــــــــــــــــــبها وقعد ميل عيالها
سلطان نجد وهقوته ما حداً تهـــــــــقوالها
سلطاننا لا كبرت القالات شـــــــــــــــيالها
لا ستصعبت يحلها ويخــــــــــلص أشكالها
سلام يا شيخ على الحكام صيته رفـــــيع
نمشـــــــي برأي الله ثم برأيه والجميــــع
لاجا نهاراً للجنايز فيه مثل الصــــــــــــريع
كم راس عاصي عقب الصعاله يطــــــــيع
واثنى على اللي بالملاقي للسبايع وديع
عبدالعزيز إن باعوا الشــــيما هله ما يبيع
يوم خلا الســــيف يرعف ذبابه
من ســعى بالحرب حنا ذهابه
من سلايل وايل يلــــــــتجا به
فــــــــــــعلنا بين وكلاً درى به
فارق الدنيا وفارق شــــــــبابه
لابتى تطاطي الخطر ما تهابه
جات لابو تركي على ما تمنا
شــــــــــيخنا سير بنا لا تونا
يا صليب الراس زبن المــجنا
حن هل العوجا نسابق دخنا
كم صبي طاح يشكي ظعـنا
لأحتمل بارود منــــــهم ومنا
يلا صفوا صفوا
ميصير اعرض الحالي <<<<<طربت البنت ههههه
اقووول اعدلو صفوفكم
ولمعو سيوفكم
ياليت ابو نواف ينشدها مع صوت الطبوووول
قدام بس يلاا ياعيال اعرضوا
اتمنى ان يعجبكم الموضوع
تحياتي لكم